الشاعر ياسر التويجــــري
--------------------------------------------------------------------------------
بسم الله الرحمن الرحيم
السلام عليكم ورحمة الله وبركــــاته
اقدم لكــــــــــــــــــــــــــم قصائد الشاعر الكبيــــــــــر
ياسر التويجـــــــــــــــــــــــــــري
اسهل الاشياء
أسهل الأشيـاء فالدنيـا الوقاحـهواصعب الأشياء فالدنيـا التوافـق
مالقيت أخطر من السم وذحاحـهغير كونك منت محتـاج ومنافـق
الوطن روح الإمامـه والسماحـهوالولا من دم عرق ونبض خافـق
ماعشقنا الارض يوم الارض واحهكيف نعشقها عقب صارت مرافـق
التعارض رأي لايعنـي الإطاحـهوالكـرم إيثـار لايعنـي موافـق
مااقترفت من الذنوب إلا الصراحهوماابتلشت إلا بكيف ومن أرافـق
كل ماحطيت رجلي فـي مساحـهضايقونـي بالكتـوف وبالمرافـق
والعديم اللـي تعثـر بـه جناحـهعلموه ان السبب ضيـق المخافـق
ذكــريات الالــــــــــــــــــــــــم
ياذكريـات الألـم لليـل موعـد منـامإليا متى خاطرك يجبر وقلبـي كسيـر
غنيت من جاوبت ورقاي طير الظـلامطيرٍ ربى في قفص صدري وعيا يطير
حلمي تساقـط ولكنـه تساقـط غمـاملين ازهر القاع ورد احمر وغنى العبير
حبيبتي والهواء يشـره وصـدك مـلاموالعشق جمره وآهات الولـه زمهريـر
إليا متى والشـوارع تستضيـف اليتـامواطيافك الفي وانتـي لليتامـى هجيـر
مابين ظلمك وظلم الناس لـي بالكـلاماخترت ظلمك وابصبر والصبر فيه خير
تستاهلين المسافـه والصبـر والغـرامومن كل شيٍ حلـو تستاهليـن الكثيـر
خذيت منك السهر خوذي جروح الهياموإلا عطيني على الأقـل قلـبٍ كبيـر
احمد نجــــــادي
ياطير ياللـي مخاليبـك توعـق الحريـبقطع سبوقك وذب الريـح وارق السحـاب
سلم على الوكر والجرح القديـم العطيـبوسلم على البرقع المظلم وظلـم العـذاب
لومانت حـرٍ وفيـك ضنوننـا ماتخيـبمالفنا الضيـق مـن ضيقتـك يابوقطـاب
ملكت من كوكب الارض الفضاء الرحيبوحنا ملكنا من الكوكب وسيـع الهضـاب
قبـل يحيـن النـدم وإلا يحيـن المغيـباذهب مع الريح لاهبـت يامـال الذهـاب
يادبي لومانتـي بـدار الرسـول الحبيـبولافيك كعبـه ولاعنـدك مقـام ورحـاب
العذر فـي جيتـي يمـك يكـاد المريـبياهل الركايب خذوني والزهاب الزهـاب
وانا دعيت بشـرف حمـدان والمستجيـبيقلط على الفطحـه وملـذ منهـا وطـاب
زمالتي معـه فالشعـر القـوي العريـباللـي بيوتـه مصاقيلـن تقـص الرقـاب
وانا ابشكـي عليـه الحـال وهـو لبيـبيفهم إشاراتـي الحمـراء ذهـاب وإيـاب
غير القلم والورق وشهو طمـوح الأديـبوغير الرفوف النظيفه وش طموح الكتاب
ولـدت متغـرب ويمكـن اودع غريـبوعلى كثر ماعرفت احس مالي صحـاب
ولوالقدر ينصف الأجواد حـظ ونصيـبمامات ابوي وحي الفنـان عمـرو ديـاب
مـدرقٍ فـي دهاليـز الزمـان العجيـبومتذرٍ في هل العوجـاء كمـال النصـاب
شيتور يالقائـد الفـذ الشجـاع الرهيـبياللي صنعة البناء من معطيـات الخـراب
يااحمد نجادي لوإنك من انت حذق ونجيبيكفيك خفاقـك اللـي لاحتمـت مايهـاب
تشيعك شي لايعنـي مـن الامـر عيـبهذا اعتقادك وبطـن النـار يبغـى كبـاب
العيب والله ليا خان الصحيـب الصحيـبوتورعن القائـد المفعـم بـروح الشبـاب
اشـوف هيكـل يـودي فالقنـاة ويجيـبيطرد وراى حلمه الضايع بوسط السـراب
الناصرييـن يشكـون الهـرم والمشيـبولاعاد ينفع مع الماضـي بكـاء وعتـاب
رمز العرب بالفخر ثلجٍ وكـاس وقضيـبيعني ذوبان ثلـج بكـاس معـه إنتصـاب
يالله ياللي تحـل الامـر لوهـو صعيـبياغافـر الذنـب واحيانـاً شديـد العقـاب
تعبت مني ومن وضـع الزمـان الرتيـبوتعبت من قلـة الحيلـه ونبـح الكـلاب
وانا لوانـي مـن الدنيـا حزيـن وكئيـبيحرم على البكـاء والحـزن والإكتئـاب
الله خلقنـي مظفـر قـوم مانـي تلـيـبلاروحت مع عجاج السيح عوص الركاب
ياسابق الروم يامعطي الذهـب ياصهيـبياليتني معك في يوم الحشـر والحسـاب
مااشد من ظلم اخو الدنيا وإبـن القريـبإلاتستـر مـرازيـم الغـتـر والثـيـاب
علـى رخـومٍ خلقـه الله بطينـة شعيـبإن سيلة طينةٍ وحله وإن اصحـت تـراب
بعد الغياب ان حضرت وماحضرت بغريبترا حضورك شكل بس الأسـاس الغيـاب
من دولة النار ماستنتجـت غيـر اللهيـبالثائر اللـي عجـز لايحـدث الإنقـلاب
واللي تصون الشرف قبل تصون الصليباشرف من اللي تبيع العرض قبل الحجاب
لوهبة الريح في وجه الخفـوق الصويـباقلع عن الهـم واتعلـى ركـام الضبـاب
الشعـر غصـنٍ عليـه يغـرد العندليـبوانا ماغرت فوق الغصـن لنـي عقـاب
الله عطاني عصى موسى وقدرت شعيـبحتى حكمت القلوب اللي ملكت اغتصـاب
واللي مايرضى بهالتصنيف هـذا القليـبيشرب وإذا مارضى بالشرب ياكل تـراب
يالذيب ياصاحب الوجه الحبيـب المهيـبياكافـرٍ بالفشـل اكفـر ولـن تستـتـاب
لاتعتبرني بشر يخطـي ويرجـع يصيـبانا ماعرف الخطى ولا اعرف الصـواب
ماغير عندي مؤشر حـس مثـل البليـبلادق لإنسـان يعطـي امـر بالاقتـراب
حتى ولو قلبي مسـود وجهـي شحيـبونذالتـي شـي لايقبـل ولا يستـطـاب
ادين للي عطانـي مـن خفوقـه نصيـبعبدالعزيز الأبي الدمـث سمـح الجنـاب
ماادري خذا من فهد وإلا خذا مـن كليـبوإلاخذا من عمروإلا خـذا مـن عـراب
يبطش بشلفا ذيـاب ويبتـع بقلـب ذيـبيعني خذا قلب ابن شالـح وشلفـا ذيـاب
القيمـــــــــــــــــــــــــــــــــــــه
ما للعطى يامفـرط الكـف قيمـهلاصرت ماني في سراياك محشوم
انته تمـد إلـي العطـاء والغنيمـهوانا اعطي اللي من مقابلك محروم
كفي على بذل المحاسـن كريمـهلوكنت ماني راس عصبه ولاقـوم
عثت بي صدوف الزمـان الأليمـهاطيح ثـم اقـوم واطيـح واقـوم
وارقى على راس الشرف بالحشيمهولا على خدي معاريـف ووسـوم
وإن كـان ماقدرتنـي فالوخيـمـهمقابلك لاصار مالـك بـي لـزوم
أنـا حصـانٍ ماقوتـه الشكيـمـهتهبني شملاً مـن الريـح واشـوم
اشوم شومـات الملـوك العظيـهإليا انتهض زيزوم وانحط زيـزوم
أنـا ليامنـي ضربـت الخريمـهورقيت في رجمٍ عن الناس مـزوم
هيضـت مـالا هيضتـه اليتيمـهمن هاجسٍ يفطر على الظيم ويصوم
وإلا انت يارمز القلوب الرحيمـهمنتب على وطي الكرامات مليـوم
ايامنـا عثـرات والعمـر غيمـهساقت جحافلها على ظلـم وهمـوم
وأنا ادري انك ماتحـب الضليمـهومشكلتي إني يابيض الوجه مظلوم
سياسـة التحجيـم لوهـي عديمـهماحجمة طلق الفضاء سحب ونجوم
لوكـل طقـه فالزمـن بتعليـمـهماكان منك اخذت خمـسٍ بتعلـوم
مـادام ماهيـب العلاقـه قديـمـهلو كان فيها حب وإخلاص وعزوم
مـع السلامـه والنوايـا سليـمـهمن يوم شفتك لين ودعتـك اليـوم
والخافق اللي قد عثيـت بصميمـهخذيت منه علوم واعطيتـه علـوم
ابذكـرك ياشبـل ابـوك ونديمـهياللي على عرشٍ من الزري مفطوم
يانادرة خمـس الحجـار الكريمـهاصبر وانا ماني على الصبر ملزوم
الصبر مفتـاح الفشـل والهزيمـهلاصرت تصبر وانت ماعندك حلوم
والقصر بيـت التفرقـه والنميمـهوصقالبه ورجال تطبيـل ورخـوم
المار قـــــارون
ارفع درجات تشجيع الضعـاف الجنـونواردى درجات بغضاء القلـوب الـوداع
لاسلـم الله وجيـه الـروم لـو يزعلـونولابيض الله وجيـه الداهمـه والرعـاع
المسلمين العـرب والفـرس والمسلمـونماقاوموا ضلـم شـارون وبنـو قينقـاع
مايعرفـون التوكـل اه لــو يعـرفـونماكان تبرك اسود الغـاب قـدم الضبـاع
شرابـة المسكـره بيـاعـة الكبتـاقـوناهل الحضاره مصنعـة القـرار المطـاع
قعدت افكـر وش الاعجـاز بالمرجفـونولقيت نفسي على معسكر جيوش الدفـاع
وذكرت بأن اخطر امراض الطغاة الدهونتكبت على القلب وتعرقل خواص النخـاع
تعيـش يارسـي اللـي طـق ولاتهـونيأكبـر دليـلٍ يؤكـد صحـة الاختـراع
ان العواصف تجي دائـم وراء السكـونوالضغـط دايـم يولـد دوي والا انـدلاع
قبل امس افكر اكون انسـان اولا اكـونمليت من وجهـي المطـاط قبـل القنـاع
ماكنت احسب ان تصنيفي من المارقـونحتى صعدت الطويـلات الاشـم الرفـاع
جاهل ولا اعـرف ارسطـو ولا بايـرونلكن اعرف المقفع زيـن وابـن السبـاع
ماخبرني قد ضحكت الا على اردى الدقونوماخبرني قد بكيت الا بمـوت الشجـاع
حسبي على اللي خذا قلبي وهو مايمـوناللي حداني علـى درب العنـا والضيـاع
رمز الترف والرقي والهستره والمجـونصعب المنال العصي واحيان سهل البقـاع
مانيب احبـه لهـو لكـن لـو تسمحـونخلوني ارقد على رموش العيون الوسـاع
حنا العرب لـو صحينـا نعتبـر نائمـونعلى قدر صطونا نقدر علـى الانصيـاع
والله مادري وش ابغـي بـس لاتزعلـوناردى درجات بغضـاء القلـوب الـوداع
الجــو ومهابته
ياراكب اللي ملاس الجنب معطيهاقدرة تحمل على الجـو ومهباتـه
اسرع من اللي ليا شـدة ثناديهـاتسبق عديم المخـالا فـي مهداتـه
ماهوب انا اللي بحرّ المال شاريهاهذي من اللي ياكثر كعوب شيكاته
اللي تكـرم وامّـر يـوم يهديهـاقرا ضروف المعنا داخـل ابياتـه
مافوقـهـا الا خــوٍ مايثنيـهـاواليا انتوا الدرب ماتعييـه لفاتـه
معـه زقايـر يولعهـا ويطفيهـاوبراد شاي وشـيٍ مـن اداواتـه
الحال ترثى يابوتركـي وراعيهـامن قلب يدعي جهاراً في صلاواته
قبل المشالح تجي وتدخـل ايديهـاويحجر عليه لغثيثٍ مـن قراباتـه
اوط الافاعي على مفهق علابيهـاياسعد رجلٍ تعزوت فيك هقواتـه
لاتاقف الا علـى ربلـة مفاليهـاواحذر يكرّع على منكس قريناتـه
ظبيٍ جفولٍ مـن الدينـا ومافيهـايحما بفرخٍ يغـص بكثـر طلقاتـه
قبل امس عيني حريب النوم موذيهاوالراس عيا يداهل مـع مخداتـه
اغسل عيوني بما زم زم وارقيهـاوانفث عليهـا بقـدس الله واياتـه
العشق جمره وتكوي رجل واطيهاماهوب حقٍ تجي فالقلـب كوياتـه
ويومني اثقل على رجلي واعنيهـاالقاع دجتـه وجاذبـت لطويلاتـه
اتل صوتي على الحروه واناديهـاولا سبيـل لـدي فـي مناجاتـه
قله ترا اللي عطاها العلم مغويهـاوقله ترا اللي حكالك من عداواتـه
ياويل حالـي اليـا دارة سوانيهـاعلى المفارق وطال الهجر وسكاته
النادر اللـي بهـا شـي يخليهـاتملك فؤادي وهي تلعـن كلافاتـه
الحصــــــــــــــــــار
على غرار الحصار اعلنت فرض الحصارعلـى اشتراكيـة الاعـداء والحاقـديـن
مادام في كفـي اليمنـى سـلاح الدمـارالله يلعـن ابـو ويلمـرت قبـل استليـن
لوكنت ابااحسب حسابٍ للعيـال الصغـارماكان ذكري مـن ام رجـوم لأم القويـن
حتى لو اني لدى القله من اهـل اليسـارانا علـى قائمـة فرسـان اهـل اليميـن
ولي علاقه قويـه مـع رجـال القـرارماكـدرة صفوهـا عجاجـة المغرضيـن
اني وان كنت اخر شخص فوق المسـارلآتـيٍ باللـي عـج السـطـا الاولـيـن
اكره هولاكو واحب افكار بعـض التتـاروماحب رجعيت الشيعه واحـب الحسيـن
معا تقلب طقـوس الوقـت ليـل ونهـاروتوسع الكونقرس والضغـط بالمسلميـن
ايقنت بـأن الجهـاد ان كـان بالانتحـاريثر علينـا قبـل يثـر علـى المشركيـن
الله يـذكـرك بالخـيـرات ياقـنـدهـاروياحليل حقدك علـى الاسـلام يامادليـن
احيان احس اني اتعـدى حـدود الاطـارواحيان احس اني ارقى وافقد الاكسجيـن
ياللي لك اسميـن تقليـدي معـا مستعـارلاتدحم الناس في جنبـك لـو انـه متيـن
والله لو إنا نبـي حلقـك يابـو مستشـاراقـرب لـك ايدينّـا مـن حبـل الوتيـن
ماتدري انـا مقابـس الوغـى والشـرارنهار يفرق ضنيـنٍ عـن مضنّـة ضنيـن
على ظهور الصفر والا ظهـور البكـارنـارد حيـاض المنايـا مانـدور عويـن
مـن دم وايـل توزعنـا علـى كـل دارشيوخ في نجد وشيـوخٍ علـى الرافديـن
قومٍ نحـب الفخـر والعـز والانتصـارياناخـذ الطايلـه او نـمـوت اجمعـيـن
ر
رغبة النفس
عسى الله يجازي رغبة النفس يامنصورتسوق الأوادم فـي دهاليـز الاسقامـي
عقب كبرت الهقوات واستعسر المحظورودمعٍ يغرق لحيتـي والحشـى ضامـي
فلا يدب المتغطرس الواثـق المغـرورسوى لبتلى في حب شـاردت الأدامـي
ابو عسجدٍ كنه لياعـرض مـن الحـوروله حاجبٍ مقرون ودعـوج وزمامـي
سقى الله زمان الشمعدانيـن والديجـورقبل لايـزم السـوق وتحطـم ارقامـي
رقيق الطباع مهذب الحسن وجه النـورثلاثين شـارب يطلـب رضـاه قدامـي
عنه طالت الايام واقفت ثـلاث شهـوروانا اخاف لبطي عنه عامٍ ورى عامـي
عصى خافقي عذّالة الحب عقب الشوروهو في هواء المقفين ماهوب منلامـي
عن العشق لاتسأل وخل الخفى مستـوركفرت بهواء غيـره وأعلنـت إسلامـي
الخشم الزعــــــــــــــول
يامعديـت الأدب ويـن الأصــولويامعتـقـت العـنـب مانشتهـيـه
لونطـول الغصـن قلنـا مانطـولولـو نبـي سكـره قلنـا مانبـيـه
كـرم الله خشمـي الشـم الزعـولوبيض الله وجهي المبيـض .. أيـه
وأن سألنـي مـن تطفلـه العـذولوقال لي : يامكبـر الهقـوات ليـه
قلت مابه شخص يشبهنـي واقـوليعطـي المحتـاج فـي كلتـا يديـه
انوجدنا فالزمـن !! حتـى نـزولوالـدروب اثنيـن محمـود وكريـه
النهايـه شـي مايعنـي الوصـولوالوصـول بمجملـه ماهـو نزيـه
والصبـر ماهـو مفتـاح القـفـولدام ماللشخـص شــيٍ يحتـريـه
بين رفض العقـل الآخـر والقبـولعقل ثالـث مالـه اسـم إلا السفيـه
وإن بغينـا ناخـذ الدنيـا فـصـولالفصل بالضبـط مثـل اللـي ياليـه
ماقتنعـت بفلسفـه غيـر المـيـولكـل مـا مـال الخفـوق لمهتويـه
واحـدٍ يـروي معاطيـش الدحـوللاتفجـر واغـدق العـذب ارتويـه
عالـيٍ يبـدع بتكتـيـك الـنـزولكـل ماحـول يــدوس معانـديـه
مابخـل إلا ليـا ذكـر الـرسـولوهـو مسترخـي ولاصلـى عليـه
والحكم فـي مثـل هالحالـه يقـوليعـذر النائـم ويسقـط مـزدريـه
أستتبـت الفكـر واعلنـت العـدولعن قرار الطعـن فالـراي الوجيـه
لوعرفنـا نفتـح ابـواب العـقـولكان نعـرف نفتـح القـدس ونجيـه
شلت مدري !! بس شلت من الحمولواستمـريـت بعـذابـات المتـيـه
طاقتـي للحـزن تشبـه للكـحـولكـل ماافنـي كـاس ودي أبتـديـه
ليـت رجمـي ماتريـث بـالأفـولوليت رجمي طاع يسقط مـن عليـه
وليتني ماصرت حل مـن الحلـولكـل مـغـدي درب وده يهتـديـه
العصاء والخرج وخطـام الرحـولوالطريـق وكـل ضلـمٍ يحتـويـه
علمـن صـدرٍ المسافـات الملـولكيف ضلعه كـل مـا انفـل يحنيـه
الهـدوء إحسـاس تقتلـه الطبـولوالـفـراق الله يلـعـن والـديــه
ليـــــــــل باريس
الله يثبتنـي علـى قــو الإيـمـانوالله عن دروب العصـات يحمانـي
إليا ثمـل ليلـك ياباريـس وإنهـانوشوارعك عجزت تشيـل المبانـي
وهزت بنات الليل مع صوات الالحانعلى الموسيقى الصاخبه والأغانـي
وكلٍ خذاله كـاس وسكـي وشنبـانوانـا قعـدت بربعتـي وبمكـانـي
يابنت مانـي فيـك مولـع وهيمـانلـو أنثنيتـي ثنـيـة الخيـزرانـي
إي بالله إلا شـره مـره وزعــلانمن ميسـمٍ اركـى علـىّ وكوانـي
عليك ياللي منـت حـي الله إنسـانياموغلٍ باقصـى حشـاي وكيانـي
أذود عنـك بكـل مسـرح وميـدانومحلـفٍ قلبـي عليـك المحـانـي
بالصدق والوقفات دونـك والإذعـانوالحب في مايحملـه مـن معانـي
ماكنت احسبك اخ كنت انت الأخوانوما كنت ابويه صدق كنت ابو ثانـي
علمتني كيف الكرم بعـض الأحيـانيستر علـيّ إليـا فضحنـي لسانـي
وعلمتني ان الصبـر قـدر الإمكـانهو السلاح اللـي يضـد الطمانـي
حتى بخطاك وظلمـك القاسـي الآنعلمتنـي وشلـون اطلـع انـانـي
واللي خلق لك قلب وعيون ولسـانواحلفـك بآيـات سبـع المثـانـي
لاتظلم اللـي قـدم الطيـب مجـانولاتعتذر عسانـي انسـى عسانـي
وهل جزا الإحسـان إلا بالأحسـانيافارس حصانـي وكبـوة حصانـي
يافطر قلبي فطر قلب ابـن عـدوانأو الكريـم اللـي حـداه الهـدانـي
تلقفتني مـع ردى الحـظ الأكـوانبسيوف الأسـد ومتعبـات العنانـي
لو الزمن ينصف هل الناق والظـاناهل الدسـم بمروبعـات الصيانـي
ماكان طاحـو بالكلبشـات الأخـوانالمخلصين اللي دعـو فـي تفانـي
تسبنـي يافـلان أوانـت يـافـلانانا مـلاك الطهـر والعمـر فانـي
رقيت حتى صرت للمجـد عنـوانيوم انتزعت مـن المعاديـن شانـي
مثل العطاء من كف الأمير سلطـانلوكـان مالله عـن طريقـه عطانـي
مالي ومال معاركـة كـل شيطـانلهم السهـر وانـا علـيّ المعانـي
العــــم ســـــام
سلام من مكه ومن جنـب المقـاميحمـل بطياتـه مشاعـر وافـره
الحب والتقدير وازكى الإحتـرامللطيـب اللـي مايعيـش منافـره
محزمينه فـوق جنحـان الحمـاماللـي تعرضنـا عليـه مسافـره
الصاحب اللي رفقته راس وسنـامماهيـب رفقـة شلـة السنافـره
عبدالله الماجد حفيد ابـن الهمـامفيصل راع اليمنى الطويل الضافره
على الحصان اللي تهيد إله العضامإليا امتطى سرجه وداس بحافـره
مستذبحٍ يزرق مثل زرق السهـامويبطش بكـفٍ لستهاشـت كافـره
مني لبوتركـي تحيـات وسـلاممن خافقٍ يرثـع غـلاك بقافـره
ياشوق من تزهى العشارق واللثامبنت الشرف ماهيب بنت السافـره
ياصاحبي والضيق مثل ابن الحراميبرك على صدر الرجل ويدافـره
ياكثـر ماحـاول ينـام ولا ينـاموياكثر ماادمى لحيتـه باضافـره
يوم احترفنا فالبلد صـدق الكـلامصـرت علقتنـا معـا مخـافـره
ماعاد نولـي للشعـر أي اهتمـامعقب حكمنـا ملعبـه بالصافـره
حنا على الشعار مثل العـم سـامعلى حكومات الشعوب الطافـره
واسلم وسلم لي على الربع الحشامقومن يوم إن الناس تشهق زافـره
يالأجرد اللي ماطلعت من اللجـامتطلع خـلاوي والشلايـخ عافـره
يامــــال العمـــــــــــى
قلت للي صوبتني في سهى الرمش الذبولماتشوفين الاوادم ضعـف يامـال العمـا
ترسلين سهام خدراتك على كـل مهبـولشي يضرب بالخفوق وشي يضرب بالغما
قالـت الله لايهينـك لاتقـول ولا اقـولمارميـت اذ رميـت لـكـن الله رمــا
والجمتني وازعلتني والبحر عذر الزعولوالبحر يظمي وانا ماهوب ناقصني ظمـا
كل مافيها خرافي حيل ووجـان البتـولالطف من الخوخ واصفا من وجينات الدما
اعتدال فقارها يثّر على بعـض العقـولوانحناء ردوفها ماثر على المشـي إنمـا
احتمل عن باقي الجسم التدلـي والميـولكل ماميل عليـه وضـاق فالخبنـه نمـا
عزتي للي تعـود لابغـى يرقـا يطـولغير هالمره بغى يرقى ولا طـال السمـا
اختلاف الديانات
مع التعـدد واختـلاف الديانـاتوضعف العروبه وانحنائة ظهرهـا
ومهاترات الغـرب عبـر القنـواةونتف الشوارب كل يوم وقهرهـا
قـراءة فيمـا نزلتـه السـمـواتوعرفت تاريخ الشعوب وعبرهـا
ولقبت نفسي شاعر المستحيـلاتجزل واتل الشارده مـع شعرهـا
سلام ياللي له معي عشر وقفـاتوعشر وخمس وسبع والخافي ارها
وجه السعد جنب الذرا سقم الافاتنبراس عاصمة السعود وهجرهـا
عندي وانا مانيب اعرف المراعاتوالناس لو تحقر وفـاي احقرهـا
يازين مدحي فيه وجزال الابيـاتياقوهـا قـواه لـو اختصـرهـا
هـلا هـلا ماغـردن العصيـاتعلى بيوت اهل الحجاز وشجرهـا
اقلط على قلـبٍ ملكتـه مهـاداتاحن لك من القصـور وحجرهـا
قلبٍ ماهو يملك بكثـر الريـالاتولا تتبـع مضحكاتـه واثـرهـا
البارحه عجزت لا ارقد ولا ابـاتوعيونـي الثنتيـن مالله امـرهـا
كن الذي من فوق صدري ابانـاتواركت علي الزيدروس بصخرها
اشعب مسافاتٍ واجنـب مسافـاتواشعب ذلول الفكر واكسر نحرها
وجده ماهيب ام الرخا والمسـراتولا فزعلي يوم اهوجـس بحرهـا
فيك انت ياعبدالعزيـز الاشاعـاتلعنت ابوها قبـل اشتـت زمرهـا
القطاه الذايره
اقبلت تمشي مثل مشي القطـاة الذايـرهدون جالٍ مابه إلا ربل وخـزام وسمـر
أو مثل مشي الفتاه اللي درت وش صايرهوهي تدري انها اجمل بنت في ذاك الممر
اتّمغنج من قهرهـا يـوم صـارة بايـرهحدها الوقت اللعين وقالت انسى فالخمـر
الحقيقه كانت انفاسي وانا ارقـب ثايـرهبإنتظارٍ كان الذّ شوي من طعـم الجمـر
كن فالوجه العفيف وهـاج ضـوٍ نايـرهتحت ليلٍ خمه الداموس وأخطـاه القمـر
الحزن بعيونهـا مـن السنيـن الجايـرهدمع لكن رده الرمش الكثيف ولا انهمـر
ثوبها والله اعلـم مثـل ثـوب الزايـرهفتحتين وكسرتين وخصر وحزام وكمـر
شاربٍ فالجسم لكـن كـن فـي دوايـرهراس رمحٍ ماطراي غير في عيون النمر
جلست وانا عيوني فـي حلاهـا طايـرهانبهرت وجتني الرهبه وحاولت استمـر
رهبةٍ ماهيب رهبة بـوش مـن عمايـرهرهبـةٍ ماتشبـه الا رهبـة ولاة الامـر
حبها فالقلـب ماهـو ساعتيـن وسايـرهكان ماافديها بحياتي ماش اقل من العمـر
اتتبـع حركاتـه وامـشـي بجـرايـرهوان بغانـي اتأمـر مامشيـت الابأمـر
انمـا الاعمـال بالنيـات والسـرايـرهوالصلاة على محمد خير من قطف الثمر
بس ودي لاقريت النـص قبـل تعايـرهاعرف اني مارقدت اللي وعيوني حمـر
شاعرك تبرك لـه الشعّـار والبطايـرهمثل ماتبرك فحول قريش من هيبة عمـر
وتحياتي لكـــــــــــــــــــــم
موضوع: قصائد ياسر التويجري 
السبت يناير 02, 2010 2:01 pm
