الغـــــــــــــــــــــــــــــــــــــــــــــــــــياب‎

الغياب
يلبّسْ من تحبّ ثياب
من وَرْد
والوَجْد
يعطي الذكريات اليابسه
نبْض ومشاعر
.. يكسي جفاف احزانكـ الصفرا
ملامح
من ندى واعشاب
الغياب
مجنون .. يرسم
للشبابيكـ الضّريره
عيون خضرا
تخلّي شوكـ البعد ورده
والحصى .. لبلاب
الغياب
لو تدري
يفتح لـ الخيال أبواب
يعيد تشكيل الصور
ويجمِّلْ الأحباب
والحبيب اللي تحبّه
مهو نَفْس ذاكـ الحبيب
لوغاب
فـ الغياب
الحبيب يصير أَجمل
الحبيب يصير أشهى
وماتشوف في من تحب
غير ماتحب
والخطايا
تصير هدايا .. ترتجيها
ويورق الغفران عندك
من سراب عْتاب
فـ الغياب
الحبيب يصير أعذب
الحبيب يصير أقرب
يمتلي بـ وجهه مساكـ
تمتلي بـ نوره سماكـ
يمتلي بـ أسمه نِداكـ
يصير كلِّكـ
وكل شي له يوديكـ ويدلّكـ
تحسّْ كِنّه
ساكن فـ أوضح مراياكـ
وفي ظلكـ
وبـ لحظه
ما تدري وش اللي شجّر ايدين المدى
عِنّــاب
لا
ولا تدري وش اللي حنّنْ الفرقا عليكـ
رقّت وخلّت حبيبكـ
في ظماكـ ينساب .؟
لا
ولا تدري وش اللي يخلّي شوقكـ
دوم يفتش
في حقايب الوصال
ويسأل بـ لهفه
عن اللي من عند الحبيب
لكـ جاب
وتسأله لو كان يقدر
ياخذ شوية هدايا للي غايب
بعض أغاني
تطرد الوحشه في صدره
وشال دافي لـ الشتا
وشمس لـ الليل الطويل
وسقف يحميه ومظله
حتى لا يبتلّ شَعْره
لا همى حزن البعاد
والوجوه أغراب
وياخذ لخيمة رجاه
من رجاكـ..أَطناب
الغياب
يشفِّف القلب ويسرِّج
فـ الحنايا .. شْهاب
يا حبيبي
غِيْب لو ودّكـ تغيب
فـ الغياب
تصير "فيني" حاضر أكثر
وقلبي رغم البعد يقدر
يوصلكـ من ألف سكّه
ويدخلكـ من ألف باب
الغياب .. وهَّاب
لـ
الممطر .. العذب .. المختلف

لأعز انسانه ملكت قلبي وبتعدت عن ناضري بعد رحيل محبوبتي